RYLA Timor Lorosa'e

   Tuir hau nia hatene konaba RYLA Timor Lorosa’e mak RYLA-TL (Rotary Youth Leadership Award Timor Leste) nu’udar organizasaun independente ida ne‘ebe hahu estabelese iha Timor iha tinan 2009, RYLA naran RYLA Timor Lorosa’e. RYLA-TL hanesan organizasaun ida nebe atu forma Joventude sira sai lideransa nebe diak iha futuru liu husi treinnamentu ka konferensia. No atu transforma joven sai inspirador ba komunidade no nasaun, Liu husi RYLA TL mos prepara joventude sira atu sai lideransa ne’ebe diak ba futuru hodi ajuda komunidade hotu nebe mak moris iha susar no terus nia laran no halo joven sira aprende oinsa atu hamutuk ho komundade. No liu husi RYLA sei forma ita nia joventude sira atu sai lider ne’ebe diak, bele lidera nia an rasik, no sai mos servidor diak ba nia familia, komunidade no ba nasaun.

  

Tuir ha’u nia hanoin Buat nebe mak hau hakarak hatene konaba program treinameentu RYLA nian maka, ha’u rasik iha interese tebes atu aprende konaba Lider ho lideransa liu-liu ba pontus tolu importante sira hanesan tuir mai ne’e:

-Lider;  hanesan joven ida ne’ebé iha lideransa nebe diak, la haree deit bá nia hatais no hahalok sira maibe mós haree ba nia ko’alia! Oinsa atu halo komunikasaun ne’ebé diak ho ema seluk no oinsa atu hasoru ema ne’ebé ita hetan nee ho diak. 

-Pontualidade; hanesan Joven ida, ita tenki sai matadalan ba ema ho di’ak no halo disiplina pontualidade ba ita nia tempu rasik hodi bele kumpri buat hotu-hotu tuir nia oras. Tamba dalaruma ita koko atu kumpri oras maibe ita la kontrola an hodi tuir fali ita nia baruk no buat ida ne’ebé sempre mosu iha ita ema nia hanoin.

-Displina ; hanesan joven ida, ita mós presija hatene displina ba ita nia an rasik no hodi respeitu ema seluk liu-liu iha fatin publiko ne’ebé ema hotu konsentra ba atu nune ita mos bele hatene respeita ema seluk hanesan ita nia an rasik.

Hanesan lider nebe diak ita mos hatene displina no iha pontualidade ba tempu wainhira sai hanesan lideransa ida ba grupo ou organisaun ruma.

Liu husi pontus tolu nebe ha’u hakerek iha leten mak sai hanesan material ida nebe ha’u sei halo no aplika iha RYLA TL se wainhira ha’u hetan oportunidade.

 

Hakerek nain : Jhoy Falson